茶餐厅文化
茶餐厅——起源于香港，系香港地痞文化，与半中半西文化相融的结果。
吴系茶餐厅
“吴系”位于天河东，就系太古汇行前几步落个楼梯就到。呢间茶餐厅虽然均价唔低，但系出品一流。我已经去吃过好多次，每次都点唔同嘅嘢试，但系基本无踩过雷。好值得大家专程走去吃。
永盈茶餐厅
永盈系广州第一间港式茶餐厅，系几个老城区都有开。出品有D唔稳定，但胜在经典。平时去得最多就系北京路果间，只要行到都会行入去坐低叫D野吃。永盈做得比较好嘅有汤粉类，系其他地方难以复制嘅味道。
华星冰室
华星冰室绝对是“星店”,本身就系明星开嘅，谭咏麟距地都有股份。系香港好多明星会专登走去光顾,陈奕迅算系真爱粉。开到来广州好似无香港甘火爆，因为出品相较于香港本地差左少少，不过几个经典菜都值得一试。
广九餐室
广九性价比最高，出左名分量足，出品又稳定，价格又便。第一间店就开系烈士陵园b2出口，一上来就在右手边。平时去到基本都要排队，可见人气真系好高。
九龙冰室
九龙冰室据闻同华星冰室同属一个集团，两间都有一口西多士同黑松露炒蛋，但九龙嘅招牌主打炸豆腐,芝士丸同埋蛋挞，味道都好好，但系九龙有个问题就系唔同店出品会有差别，比较推荐大家走去正佳分店吃，出品会比较好。
表哥茶餐厅
表哥茶餐厅系广州已经开到四围都系，出品同广九差唔多但分量就差得远,每日路过都会见到唔少人走去排队，表哥比较出名嘅系距地好具特色嘅西多士，而我吃过比较推荐嘅菜式系鳗鱼饭。
太兴餐厅
太兴同样系由香港开到广州嘅一间正宗港式茶餐厅，但系广州嘅味道不出所料，同翠华一样大打折扣，但每次路过依然都会大排长龙，最近人气好似无之前甘高，可能因为大家选择多左。虽然出品同香港有唔少差距，但广州太兴依然都系有D唔错嘅菜式嘅。
